ಕರ್ನಾಟಕದಲ್ಲೀಗ ೩೬ ವೈದ್ಯಕೀಯ ಕಾಲೇಜುಗಳಿವೆ, ಇನ್ನೂ ಕೆಲವು ಮುಂದಕ್ಕೆ ಬರಬಹುದು. ಲಕ್ಷಗಟ್ಟಲೆ ತೆತ್ತು ತಮ್ಮ ಮಕ್ಕಳನ್ನು ಈ ಕಾಲೇಜುಗಳಲ್ಲಿ ಸೇರಿಸುವ ಹೆತ್ತವರ ಸಂಖ್ಯೆಯೂ ಸಾಕಷ್ಟಿದೆ. ಎಂಬಿಬಿಎಸ್ ಆದ ನಂತರ ಎಂಡಿ/ಎಂಎಸ್, ಅದರ ನಂತರ ಡಿಎಂ/ಎಂಸಿಎಚ್ - ಹೀಗೆ ಇವೆಲ್ಲವಕ್ಕೂ ಮತ್ತಷ್ಟು ಲಕ್ಷಗಳನ್ನು ಸುರಿದು ಸೀಟು ದಕ್ಕಿಸಿಕೊಳ್ಳುವವರೂ ಬಹಳಷ್ಟಿದ್ದಾರೆ. ಇಷ್ಟೊಂದು ಹಣ ತೆತ್ತು ತಮ್ಮ ಮಕ್ಕಳನ್ನು ವೈದ್ಯಕೀಯ ವ್ಯಾಸಂಗಕ್ಕೆ ಸೇರಿಸುವಂತೆ ಹೆತ್ತವರನ್ನು ಪ್ರೇರೇಪಿಸುವ ಕಾರಣಗಳೇನಿರಬಹುದು? ಪ್ರತಿಷ್ಠೆಯೇ? ಗೌರವವೇ? ಹಾಕಿದ ಹಣಕ್ಕೆ ಮೋಸವಿಲ್ಲ ಎಂಬ ಧೈರ್ಯವೇ? ತಮ್ಮ ಮಕ್ಕಳು ಒಳ್ಳೆಯದನ್ನೇ ಕಲಿಯಲಿ ಎಂಬ ಹಂಬಲವೇ?
ನಿಮಗೇನನಿಸುತ್ತದೆ ಅಂತ ಮನಬಿಚ್ಚಿ ಬರೆಯಿರಿ. ಈ ಹಣದ ಭರಾಟೆಯಲ್ಲಿ ವೈದ್ಯಶಿಕ್ಷಣವು ಎತ್ತ ಸಾಗುತ್ತಿದೆಯೆಂದು ಮುಂದಕ್ಕೆ ಚರ್ಚಿಸೋಣ.
